Back to ሥርዓተ ቤተ ክርስቲያኔን አስጠብቃለሁ፣ ለሥርዓቷ የማይገዙትን እቃወማለሁ

የተቃውሞ ሕዝባዊ ጥሪ ለተዋሕዶ ቤተሰቦች በሙሉ

በዋሺንግተን ዲሲ በመጪው እሁድ ሕዳር ፲ ቀን ፳፻፬ ዓ.ም. ጀምሮ አቡነ ፋኑኤል ከዚህ በፊት በተደጋጋሚ ሥርዓተ ቤተ ክርስቲያንን ሲተላለፉ፣ ከቀኖና ቤተ ክርስቲያን ውጪ ቤተ ክርስቲያንን ሲከፍቱ፣ ዲቁናን እና ክህነትን በደረሱበት ሲሰጡ፣ የተሃድሶ ፕሮቴስታንትን መናፍቃንን ዲያደረጁ እና ሲባርኩ፣ የግል ጥቅማቸውን ከማሳደድ ውጪ ለሥርዓት እና ለቤተ ክርስቲያን ግዴለሽነታቸውን በቃላቸው ነግረውናል በሥራቸውም ተገንዝበናል። ስለዚህ በዚህ በመጪው እሑድ በደብረ ምሕረት ቅዱስ ሚካኤል ቤተ ክርስቲያን ተገኝተው እንደ ቤተ ክርስቲያን ልጅነትዎ አስፈላጊውን ተቃውሞ እንዲያደርጉ በታላቅ ትህትና ተጋብዘዋል።
እኛም ሆነ ማንኛውም የተዋሕዶ ልጅ ከአቡነ ፋኑኤል ጋር የግል ጸብም ሆነ አለመግባባት የለንም ነገር ግን እምነታችን የሁላችንም ስለሆነች እኚህ ሰው እምነታችንን ሊያበላሹ ሊበርዙ ሊሽሩ የመጡ የመናፍቃን መልዕክተኛ ስለሆኑ እንቃወማቸዋለን የዋሺንግተን ዲሲ እና የካሊፎርኒያንም ሕዝበ ክርስቲያን ወክለው ለቅዱስ ሲኖዶስ ሊሰሩ ብቃቱም ሆነ ችሎታው የላቸውም ብለን ስለምናን ቅዱስ ሲኖዶስ ሥራ ሰርቶ ሊያስራ የሚችል አባት ሊተካ እስከሚችል ድረስ በመላው አሜሪካ በደረሱበት እንቃወማቸዋለን ሥርዓታችንንም ሊያከብሩ ግድ ይላቸዋል።
እግዚአብሔር አምላክ ቤተ ክርስቲያናችንን ይጠብቅ አሜን

http://ytewahedobeteseb.blogspot.com/2011/11/blog-post_15.html#more

38 comments

to comment