Ex-pat's support for option "SI" in Curacao's May 15th referendum

Walter 7 months ago

NAN KIER METE CU NOS AUTONOMIA.
-------------------------------- --------------------



E frase aki ariba menshona ta unu cu politiconan y otronan ta usa casi diariamente pa bai contra tur loke a wordu negosha cu Hulanda.

Mi pregunta na ABO un siudadano comun cu ta traha y lucha pa un porvenir miho pa abo y bo yiunan TUR DIA ta lo sigiente::
Si Hulanda kier mete mes (lokual mi ta sigur cu no ta e caso) - PA ABO un siudadano comun ki efecto esei lo por tin - pabo vida di tur dia.
Si acaso mes hulanda kier mete- kiko un pais superdesarolla caminda miles y miles di nos rumanan ta biba mihor cu akinan, por tin di negativo pa bo bienestar y progreso personal.


E autonomia cu politiconan y demas aprovechadonan,(bloedzuigernan) cu ta rond di nan ta papia di dje, SI ta e AUTONOMIA DI NAN.

Si acaso Huclanda mete mes no ta e AUTONOMIA DI NAN lo wordu afecta.
E autonomia cu e politikonan semper tabatin te awor no ta esunan cu ta sigi mas abao?

1. E autonomia pa sigui fia plaka cu na Final ABO tin di paga.
2. E autonomia pa den e presupuesto di Corsow acomoda proyectonan fantasma pa yuda amiguitosnan cu awor tur ta borota pa e autonomia aki keda mescos.
3. E autonomia pa GASTA BO PLAKA di belasting sin cu tin ningun CONTROL.
4. E autoniomia pa pega barcunan enorme y hinca nos pais den debenan - cu mi ta ripiti -ABO tin cu paga al final.
5. E autonomia pa sigui nombra compinchinan, y boebehnan di marca mayor den puestonan di gobierno.
6.E autonomia pa CORRE cu inversionistanan cu por a inverti millones na benefico di nos pais y consequentemente abo cumi, pasobra e envelop bao di mesa no tabata suficiente.
7.E autonomia pa sigui pone amigunan, compinchinan riba listanan politiko cu TUR HENDE sa cu ta BOEFNAN conoce pa un y tur na Corsow.
8.E autonomia pa no tin control riba presupeusto y di e manera ki no tin control na unda y kon ta gasta BO sen cu nan compinchinan.
9. E autonomia pa duna nan mes un bon penshun pero pa kier lanta e edad di esun dibo cu un par di anja mas.
10. E autonomia pa subi nan mes sueldonan KI ORA CU NAN KIER pero pa subi minimumloon y onderstand mester hasi un estudio profundo door di DEZ?
11. E autonomia pa awor bo kier independencia pero bo tin bo 8 duizend guldens pa luna y MAS CU UN penshun hasiendo e independensha aki sumamente facil pa abo cu ta politiko.

12. E autonomia pa scribi den corant cu bo kier pa Korsow bira independiente pero bo mes ta biba na Hulanda cobrando tur sorto di WW.
Bin biba aki pa minimumloon wak kon dushi independesha lo bira pabo e ora ei no?

13. E autonomia pa NO tin control riba nada di e politikonan aki.
Sin control - e fiesta ta sigui - semper bai ABO pagando e cuenta!!

Y pa ultimo e AUTONOMIA pa bisa tur dia cu NOS MES POR!!!

Si NOS MES POR ta dikon for di dia cu a firma statuut nos un hasiele manera mester ta.
For di dia cu nos a firma statuut nunca e pais aki no tabatin un presupuesto balansa.
Pa stranju cu por parce awor cu nos ta yen di debe - awor si no mes por.

13. Un di e AUTONOMIANAN MAS GRANDI CU E POLITICONAN AKI TA GUSTA TA ESUN DI LASTRA MANERA CULEBRA RIBA NAN BARRIGA CASI TUR FIN DI LUNA SERCA NOS BANCU AMIGU PA PIDI FIA PLAKA PA PAGA NAN SALARIONAN Y DI AMBTENAARNAN.
Ora di lastra manera serpiente dikon ei ora ei bo no a corda CU NOS MES POR y cu ABO si ta DIGNO.

Corda di nobo cu tur cos cu ta nan beneficio nan a vota SI.
Pa nan penshun - SI
Pa nan salarionan-SI
Pa subi tur dos de esaki nan - SI
Pa actonan di corupshon - SI
Awor cu ta bo beurt nan kier pabo vota NO!

Vota SI pa bo futuro - NO pa di nan!!!